如果你有留意茶餐廳D 伙記，你會發覺佢地總會有個非常堅定既眼神望住某個方向或者手頭上執緊既碗，佢肯定知你舉緊手，但佢盡量唔會同你有眼神接觸....有時佢地D 眼神會堅定到你會懷疑自己係味一隻隱形既鬼所以佢望唔到你.....查實因為佢一時間唔可以服侍咁多個人，人之常情；但佢終究要過黎同你落單…除非你嬲鳩走左去。
有時我覺得自己好似一個茶餐廳伙記，想盡辦法逃避事情，將一D 重要而且必定要做既野拖延；“行為的藝術”第37章入面提到，拖延(Procrastination)是不理性的，但卻是人性既一部分。人之所以拖延事情係因為付出同回報之間有時間上既差距，要誇越呢個差距要耗費大量既心力，所以我地成日會有“遲D 先啦”既心態出現。
記住事情係唔會自己解決架，張單你遲早都要落架啦阿叔，望唔到我舉手我始終仍然係生勾勾坐左o係度架嘛。嗯....自己諗下。
Search